KEK-u - FERONIKELI
Nikli bindës, i kthehet fitoreve
21 April, 2019 @16:40
Pa ndonjë befasi, skuadra e Feronikelit ka arritur të shënojë fitore në ndeshjen e luajtur ndaj KEK-ut në Obiliq.
Pas humbjes së befasishme xhiron e kaluar nga Ferizaji në shtëpi, skuadra e drejtuar nga Zekirija Ramadani reagoi bindshëm sot, duke shënuar katër herë për fitoren e thellë 0-4.
Epërsia fillestare erdhi nga Jean Da Silva në minutën e 27’, e më pas Kastriot Rexha shënoi tri herë nga pika e bardhë për fitoren bindëse 0-4.
Fitorja e sotme e kthen në krye të klasifikimit skuadrën nga Drenasi, derisa për KEK-un tashmë dihet që sezoni ka përfunduar.
Xhiron e ardhshme, Feronikeli luan në shtëpi ndaj Gjilanit, kurse KEK-u i shkon Flamurtarit në kryeqytet.
FORMACIONET STARTUESE
| KEK-u: Hodaj, Kutllovci, Vitija, Govori, Musliu, Preniqi, Berisha, Dushi, Qerimi, Emihaziri, Stullqaku. FERONIKELI: Troshupa, Doshlaku, Prekazi, Thaqi, Hoxha, Millaku, Morina, Carioca, Hoti, Fazliu, Rexha. |
