EVERTON - UNITED
Turpërohet në “Goodison Park”, shuan gjasat për top4?
21 April, 2019 @16:20
Pas humbjes nga Barcelona në Champions League, Manchester United ka reaguar tejet dobët në ndeshjen e xhiros ndaj Evertonit në Premier League.
Skuadra e drejtuar nga Ole Gunnar Solskjaer u deklasua në çdo aspekt dhe u mposht me rezultat të thellë 4-0, për t’ia shuar kështu vetes pothuajse të gjitha shpresat për top4, sidomos kur marrim parasysh kalendarin e të gjitha skuadrave në ndeshjet e mbetura këtë sezon.
Kjo ishte humbja e pestë me radhë në ndeshjet jashtë shtëpisë në të gjitha garat, gjë që nuk i ka ndodhur 20 herë kampionit anglez që nga viti i largët 1981.
Sa i përket Evertonit, kjo skuadër po vazhdon të tregojë formë të mirë ndaj skuadrave ‘të mëdha’ sivjet. Përveç fitores ndaj Unitedit sot, Evertoni në shtëpi sivjet pikë mori edhe nga Liverpooli, Arsenali e Chelsea.
