“Nuk arriti nivelin që kërkuam” —  Shala drejt Turqisë

Mesfushori i Kosovës, Herolind Shala, është larguar nga ekipi i tij i deritashëm Stabaek i Norvegjisë, për tu bërë pjesë e ekipit turk, Erzurumspor.

Pasi që afati kalimtar veror nuk ka përfunduar në disa vende, është qartësuar se Shala shkon drejt Turqisë.

Kosovari ka nënshkruar kontratë një vjeçare me ekipin turk, ndërsa drejtori sportiv i ekipit norvegjez Torgeir Bjarmann ka thënë se Shala nuk ka arritur nivelin që u kërkua nga ai.

“Shala nuk ka arritur nivelin që e kërkuam nga ai. Mund të ketë disa arsye për këtë gjë, ndoshta për shkak të ekipit, ndoshta për shkak të lëndimeve që kishte. Ndërsa tash dëshirojmë t’ia japim rastin lojtarit tonë Herman Geelmuyden, që është dhjetë vjet më i ri dhe mund të luajë në pozitën e Shalës,” ka shtuar ai ndër të tjera, shkruan faqja zyrtare e Stabaekut.