Nuk presim duartrokitje

Futbollisti më i famshëm i reprezentacionit serb, Branislav Ivanovic, që luan për Chelsean në Angli, në konferencën për shtyp para ndeshjes ka thënë se ekipi i tij do të luajë për fitore ndaj Shqipërisë, derisa ka theksuar se nuk pret duartrokitje nga tifozët shqiptarë në stadium.

“E di se është tension i madh. Të gjithë po shikojnë te ajo që nuk i takon futbollit. Selektori i Shqipërisë ka thënë se jemi dy herë më cilësorë se ata. Ne do të luajmë për fitore, ndërsa nuk presim që të duartrokitemi nga tifozët,” ka thënë ai në konferencën për shtyp të mbajtur në hotelin ku po qëndron përfaqësuesja serbe.