SUPERLIGA TURKE
Nxehtë në Turqi
4 May, 2015 @21:32
Pesë xhiro pa përfunduar stinori në Superligën turke lufta për titull kampion është ngrohur shumë.
Tre ekipet e mëdha të Stambollit, Besiktas, Galatasaray dhe Fenerbahçe janë duke luftuar për titullin kampion thuajse me pikë të barabarta.
Besiktasi lider ka 64 pikë, sa ka edhe Galatasaray në vend të dytë, derisa Feneri me një pikë më pak gjendet në pozitën e tretë.
Gjithçka pritet të vendoset në xhirot përfundimtare të stinorit kur në xhiron e parafundit Galatasaray pret Besiktasin, derisa Fenerbahçe së paku në letër ka orar më të favorshëm, pasi që nuk ka duel direkt me kryesuesit.
Në rast se nuk ndodh ndonjë befasi në xhirot e ardhshme pritet të vendos fituesin e titullit në Turqi.
Besiktas po drejtohet nga kroati Slaven Bilic, derisa Galatasray është nën drejtim të Hamza Hamzaoglu e Fenerbahçe nga Ismail Kartal.
Lider i golashënuesve në Superligën turke është Fernandao i Bursasporit me 18 gola të shënuara, derisa pas tij vijnë Demba Ba i Besiktasit me 17, para Oscar Cardozo të Trabzonit me 15, Burak Yilmaz i Galatasarayit me 14 dhe Moussa Sow i Fenerbahçes me 13 gola të shënuara.
