SHERR NË EMIRATES
Özil drejt largimit?
5 March, 2016 @16:43
3 ndeshje radhazi pa fitore në Premier League, pothuajse të eliminuar nga Champions League dhe të detyruar të luajnë ndeshje kthyese ndaj Hull Cityt në FA Cup. Një sezon i cili dukej se po shkonte shkëlqyeshëm për Arsenalin, tashmë po merr kahje tjetër.
I pakënaqur me situatën është shprehur gjermani Mesut Özil, i cili në konferencën për shtyp pas ndeshjes me Tottenhamin ka dhënë sinjale të qarta se mund të largohet.
“Në skuadrat tjera të mëdha, nuk shihet kjo lloj frike. Po çuditem më atë që po ndodh këtu. Negociatat për kontratën e re janë të ndalura momentalisht, pasi që kam oferta të ndryshme nga disa skuadra të cilat duhet t’i shqyrtoj kur jam i qetë dhe kur mund të mendoj lirshëm.” - u shpreh Mesut Özil, i cili këtë sezon ka 18 asiste në Premier League.
