Operohet Pepe

Faqja zyrtare e Real Madridit sot ka bërë të ditur se qendërmbrojtësi portugez i skuadrës, Pepe, është operuar pasi kishte probleme me dhimbje në këmbën e djathtë.

Pepe për shkak të operimit pritet të mungojë rreth një muaj.

Kampioni aktual i Spanjës të dielën do të takohet me Real Sociedadin, ndërsa përveç Pepes, edhe Coentrao dhe Marcelo do të mungojnë për shkak të lëndimeve, derisa Sergio Ramos është i suspenduar.

Për shkak të mungesave të shumta në mbrojtje, trajneri i Realit, Jose Mourinho, pritet ta fus në fushë futbollistin e ri françez, Raphael Varane.