Orelesi i sjell 100 mijë € Skënderbeut

Kampioni i Shqipërisë, Skënderbeu, është më i pasur për 100 mijë euro. Kjo, pasi që mesfushori i spikatur i tyre, Nurudeen Orelesi, është larguar për te Metalurg Donetsk.

Lajmin e ka konfirmuar edhe kryetari i kampionit të Shqipërisë, Adrian Takaj, për të përditshmen tiranase, Panorama Sport. 

“Në fillim Metalurgu ofroi 50 mijë euro, por pasi që e rritën shumën në 100 mijë, gjithçka përfundoi në mënyrë më të mirë,” është cituar të ketë thënë Takaj për gazetën. 

Orelesi kishte ardhur në Shqipëri në vitin 2010, kur kishte qenë pjesë e Dinamos së Tiranës, prej nga pas një stinori, si lojtar i lirë kishte kaluar te Skënderbeu. 

Ai kishte edhe një vit kontratë me Skënderbeun dhe për këtë ekipi ukrainas është dashur të paguajë dëmshpërblimin në fjalë. 

Dje, Skënderbeu për të plotësuar zbrazëtirën e lënë nga nigeriani 25 vjeçar, e plotësoi me brazilianin Dhiego Martins.