BYLBYL SOKOLI
Pa koment për gjyqtarët
27 March, 2016 @22:15
Humbja ndaj ish-skuadrës së tij ka bërë që kryetrajneri i Gjilanit, Bylbyl Sokoli, në mënyrë indirekte ta shprehë pakënaqësinë e tij ndaj gjyqtarëve.
“Ishte ndeshje e vështirë për Gjilanin. Tendenca ishte që të kapim hapin për pjesën e epërme të tabelës pas gabimeve në ndeshjet e fundit. Kishte shumë ngarkesa ekipi sot dhe ndeshja kishte mjaft taktizime. Duhet uruar Prishtinën, kurse neve na mbetet të luftojmë për kreun. Ka ende ndeshje dhe siç kam thënë edhe më herët, kemi ekip të ri që premton lojë cilësore dhe që kërkon rezultate. Për shkak të korrektësisë dhe respektit që kam punuar tek Prishtina më herët, nuk dua të komentoj për gjyqtarët. Le t’i mbetet opinionit të gazetarëve nga pamjet televizive t’i analizojnë dhe komentojnë gjërat. Nga Kupa na eliminuan gjyqtarët, kurse me gjasë e njëjta po ndodh edhe në kampionat.” - u shpreh Bylbyl Sokoli pas ndeshjes.
Kjo humbje bën që Gjilani të humbë hapin me kreun e tabelës me 5 pikë më pak se Hajvalia e Ferronikeli.
