UNITED - WEST HAM
Pak qetësi për Erik ten Hag, United fiton ndaj West Hamit
4 February, 2024 @16:58
Pak qetësi për Erik ten Hag.
Me rikthimin e futbollistëve startues nga lëndimet, edhe United po luan më mirë.
Pas fitores dramatike ndaj Wolves në fundjavë, sot United fitoi bindshëm ndaj West Hamit në shtëpi. Londinezët sot u mposhtën 3-0 në “Old Trafford”.
Hojlund shënoi një herë, goli i tij i katërt në katër ndeshjet e fundit në ligë, e dy herë tjera shënoi Garnacho, që po luan mirë edhe si startues në krahun e djathtë, pavarësisht që nuk është pozita e tij e preferuar.
Kështu, United renditet i gjashti në Premier League, me 2 pikë më shumë se West Hami i pozitës së shtatë.
Tottenhami i vendit të pestë për momentin është gjashtë pikë mbi Unitedin.
