H'FIELD-LIVERPOOL
Fotot: premierleague.com
Pas dy humbjeve, Liverpool fiton bindshëm
30 January, 2018 @22:41
Skuadra e Jurgen Kloppit i është kthyer fitoreve sonte, pas dy humbjeve të regjistruara në shtatë ditët e kaluara (Swansea 1-0, Premier Ligë; WBA 3-2, FA Cup).
Emre Can i dha epërsinë Liverpoolit në minutën e 26-të të ndeshjes, ndërsa pak para fundit të pjesës së parë, braziliani Roberto Firmino ka ngritur epërsinë në 0-2.
Florent Hadërgjonaj ishte për 90 minuta pjesë e ekipit të Huddersfieldit, që u tregua i pafuqishëm ndaj Liverpoolit të uritur sonte, që përmes penalltisë së Mohamed Salahut, vulosi fitoren 0-3.
Fitorja e mban Liverpoolin në pozitën e katërt aktualisht, ndërsa Huddersfield mbetet i rrezikuar për rënie edhe pse është katër pozita mbi zonën e rrezikshme.
