Pas penalltive, KF Australia siguron Ligën e Dytë

Pas viteve të kaluara në Ligë të Tretë të Kosovës, ku luanin futboll rajonal, KF Australia nga Mitrovica do të kalojë në Ligë të Dytë të Kosovës (që është kategoria e tretë për kah rëndësia e futbollit në Kosovë) pasi që në ndeshjen e PlayOffit ka mposhtur KF Opojën me penallti.

Kujtojmë, KF Australia zuri vendin e parë në Grupin B të rajonit të Dukagjinit, ndërsa KF Opoja zuri vendin e parë në Grupin A të Dukagjinit.

Në ndeshjen e zhvilluar në Tahir Vokshi të Brestovikut të Pejës, gola nuk kishte pas 90 minutave, e as pas vazhdimeve me dy herë nga 15 minuta.

Në fund, penalltitë vendosën, derisa KF Australia shënoi fitore me rezultat 5-3 ndaj KF Opojës për të siguruar biletën drejt Ligës së Dytë të Kosovës.

Seria e penalltive:

1. Kreshnik Ibrahimi, KF Australia - GOL;
1. Taulant Pireci, KF Opoja - GOL;
2. Zakhete Njembe, KF Australia - GOL;
2. Behar Rifaj, KF Opoja - GOL;
3. Mochoadi, KF Australia - GOL;
3. Agron Krasniqi, KF Opoja - GOL;
4. Besart Islami, KF Australia - GOL;
4. Ditëlind Reshiti, KF Opoja - X;
5. Florian Berisha, KF Australia - GOL.
-
Portieri i KF Australia (Arlind Gashi)
Portieri i KF Opoja (Zikri Alija)
-

Shiko penalltitë

Me këtë seri të penalltive, Australia siguroi Ligën e Dytë, ndërsa Opoja do të garojë edhe në stinorin e radhës në Ligën e Tretë.
Përndryshe, skuadra tjetër që do të garojë në Ligën e Dytë të Kosovës do të kuptohet nga çifti KF Fortuna (Drenas) dhe KF Dinamo (Ferizaj).
Fortuna është fitues i Grupit B nga rajoni i Prishtinës, ndërsa Dinamo fitues i Grupit A nga rajoni i Prishtinës.