Pato zyrtarisht i kampionit

Pas qartësimit edhe nga ana e sulmuesit, Pato, se dëshiron të luaj në Brazil, sot herët në mëngjes me kohën tonë është kompletuar transferi i tij nga Milan në Corinthians.

Transferi i tij i ka kushtuar kampionit botëror, Corinthians, 15 milionë euro dhe tani më ish sulmuesi i Milanit ka mbetur vetëm të kalojë edhe testet mjekësore që të dalë në fushë përfundimisht me ekipin e tij të ri.

“Corinthians ka blerë 100% të drejtat ekonomike të Patos dhe ka nënshkruar kontratë 4 vjeçare. Kjo i ka kushtuar klubit 15 milionë euro,” ka shkruar në faqen zyrtare të kampionit botëror.

Në njoftim gjithashtu është bërë e ditur se Corinthians në të ardhmen do të merr 60% të çmimit të shitjes së Patos derisa lojtarit do t’i takojë pjesa tjetër.