KONFIRMOHET
Payet rikthehet në Francë
29 January, 2017 @13:55
Përmes një konfirmimi zyrtar, klubi i West Hamit ka njoftuar që problematiku Dimitri Payet ka kompletuar transferimin tek skuadra e Marseillet në elitën e futbollit francez.
Payet e dëshironte me çdo kusht largimin nga West Hami dhe trajneri Slaven Bilic nuk kishte zgjidhje tjetër. Të revoltuar me anësorin francez ishin edhe fansat e West Hamit, të cilët në ndeshjet e fundit këndonin në kor kundër tij.
Transferimi te Marseille u kompletua për 25 milionë euro, derisa ishte pikërisht Marseille skuadra nga e cila West Ham e bleu lojtarin në vitin 2015.
