Penalltitë përcaktojnë çerekfinalistin

​Me dy ndeshjet që përfunduan pa gola, ndeshja ndërmjet Atleticos së Madridit dhe PSV-së, u detyrua të shkonte në ekzekutimin e 11 metërshave. Dhe pas një drame të vërtetë, ku të dy skuadrat nuk gabuan për 7 herë radhazi, erdhi gabimi i Narsingh, i cili bëri që skuadra e tij të eliminohet dhe të mos arrijë fazën çerekfinale.

Pas gabimit të Narsingh, për skuadrën vendase nuk gaboi qendërmbrojtësi Juanfran dhe kështu Atletico u bë skuadra e dytë spanjolle që prek çerekfinalet këtë edicion, me Barcelonën që është afër të bëhet e treta nesër.

Përveç Atleticos, çerekfinalen deri tash e kanë siguruar edhe Reali, Parisi, Benfica, City dhe Wolfsburgi. Dy çerekfinalistët e fundit përcaktohen nesër.