Pengesat legale të pranimit në UEFA

Kreu i FIFA-së, Sepp Blatter, ka konfirmuar edhe njëherë mbështetjen e tij për Kosovën në takimin e sotëm ku Ministri i Sportit të Kosovës, Memli Kransiqi bashkë me kreun e FFK-së, Fadil Vokrri e vizituan atë. 

Sidoqoftë, Blatter ka thënë se pengesa legale për pranim në UEFA ekziston ende, prandaj pa e kaluar këtë pengesë do të jetë vështirë pranimi i Kosovës, në fakt FFK-së, në UEFA e pastaj në FIFA. 

“Për fat të keq, pengesa legale për pranim në UEFA ekziston ende, por unë shpresoj se ju do të arrini që ta tejkaloni këtë pengesë, ashtu që futbollistët e Kosovës të kenë mundësi më shumë për tu prezantuar në arenën ndërkombëtare”, deklaroi ai. 

FIFA ka pranuar që Kosova të zhvillojë ndeshje miqësore ndërkombëtare me disa kushte të caktuara, por pa pranim në UEFA, realisht, Kosova nuk mund të shkojë tutje. 

Që prej pranimit me kushte të caktuara, Kosova ka zhvilluar 5 ndeshje miqësore ndërkombëtare. Ka barazuar me Haitin (0-0), është mposhtur nga Turqia (1-6), nga Senegali (1-3), ka mposhtur Omanin (1-0) dhe Willin (1-0).