Sagnol akuzohet për racizëm

Ish futbollisti i Bayern Munchenit dhe reprezentuesi i Francës, Willy Sagnol, nuk dihet nëse do të jetë më trajner i Bordeaux në Ligue 1. 

Njoftimin e ka bërë të ditur Eurosport, derisa Sagnol është akuzuar për komente raciste ndaj futbollistëve afrikan. 

“Përparësia e marrjes së një futbollisti afrikan është se ai nuk është i shtrenjtë. Ai është gjithmonë i gatshëm të luftojë për një vend në ekip dhe është dukshëm më i fuqishëm. Mirëpo, futbolli nuk i kërkon vetëm këto veti. Futbollit i duhet edhe teknika, inteligjenca dhe disciplina,” ka thënë trajneri i Bordeaux-së për Sud Ouest, gazetë lokale kjo e Bordeaux. 

Në komente të Sagnol ka reaguar edhe ish futbollisti i Barcelonës dhe përfaqësueses françeze, Lilian Thuram, që ka kërkuar nga Federata e Futbollit Françez të merr masa lidhur me komentet e trajnerit në fjalë, pasi që kjo dukshëm bën ndarjen e futbollistëve me prejardhje nga Afrika nga të tjerët. 

Në anën tjetër, ekipi ka qëndruar prapa komenteve të trajnerit duke thënë se komentet e tij janë ekzagjëruar dhe nuk janë të mirëseardhura për ruajtjen e klimës antiraciste në Ligue 1 e FFF në përgjithësi.