Pensionohet heroi!

Jamie Carragher, 35 vjeçar, që ka ndihmuar klubin e tij të fitojë Ligën e Kampionëve në vitin 2005 si dhe 2 Kupa të FA-së bashkë me 3 Kupa të Ligës, do të pensionohet në fund të këtij stinori. 

“Ky do të jetë stinori im i fundit me Liverpoolin si futbollist profesionist. Këtu jam që nga mosha 9 vjeçare dhe deri në fund të stinorit përsëri do të jap më të mirën nga vetja për klubin tim,” i ka thënë Carragher faqes zyrtare të të kuqve sot. 

Qendërmbrojtësi Carragher ka zhvilluar më shumë se 700 ndeshje si senior me Liverpoolin që nga viti 1997, derisa para tij është vetëm Ian Callaghan në listën e futbollistëve me më së shumti paraqitje për klubin nga Anfield Road.