Pensiononi 8-shen!

Mbrojtësi i Chelseat, John Terry, ka kërkuar pensionimin e fanellës së Frank Lampardit, nëse ky i fundit definitivisht do të largohet nga skuadra.

Pas spekulimeve të fundit se krerët kërkojnë ta heqin qafe njërin ndër legjendat e klubit të kaltër nga Londra, ka reaguar menjëherë Terry. 

“Fanella e tij duhet të pensionhet. Kaq. Më askush nuk duhet ta mbajë fanellën me numrin tetë,” ka thënë mes tjerash Terry. 

Frank Lampard 34 vjeçar do ta lë Chelsean pas 12 viteve të mrekullueshme të kaluara aty të cilat u kurorëzuan me trofe të ndryshëm, e së fundmi në stinorin e kaluar i erdh edhe më e kërkuara - Liga e Kampionëve. 

Lampard së fundmi është kërkuar nga ekipet italiane të Serie A-së, Inter dhe Lazio.