Pasqyra në FA Cup

Brighton -  Newcastle (e shtunë 12:30) 

Kryetrajneri i Newcastle United, Alan Pardew, do të hyjë në ndeshje pa mesfushorin Cheick Tiote i cili ka shkuar në Afrikë për tu paraqitur në Kupën e Kombeve të Afrikës. Shola Ameobi dhe Papiss Cisse do të mbeten opcioni i vetëm në sulm i laraskave para ndeshjes së nesërme. 

Manchester City - Watford (e shtunë 15:00)

Mungesë kryesore e ekipit të Roberto Mancinit nesër do të jetë sulmuesi argjentias, Sergio Aguero, i cili ka një lëndim të lehtë. Ndërsa i rikthyeri Mario Balotelli mund të paraqitet në ndeshje.

Southampton - Chelsea (e shtunë 15:00)

Në këtë ndeshje pritet debutimi i transferit të fundit të bluve të Londrës, Demba Ba. Senegalezi mund të jetë në krye të sulmit të ekipit të Rafa Benitezit, derisa pritet që ta lë Fernando Torresin në bankën rezervë. 

West Ham - Manchester United (e shtunë 17:15)

Në ekipin e Sir Alex Fergusonit nesër pritet të jenë në formacion dyshja e kthyer nga lëndimi, mbrojtësit, Phil Jones dhe Nemanja Vidic. Ndërsa sot paradite Ferguson ka konfirmuar edhe mosparaqitjen e sulmuesit Wayne Rooney edhe për dy javë tjera. 

Swansea - Arsenal (e diel 13:30)

Pritet rikthimi i sulmuesit spanjoll të Swansea-së që po i lë gojëhapur për të gjithë - Michu. Ndërsa te Arsenali nuk raportohet të ketë mungesa. 

Mansfield - Liverpool (e diel 16:00)

Pas rikthimit në formë të të kuqve në Premier League, pritet debutimi i sulmuesit Daniel Sturridge. Ndërsa mbrojtësi i krahut Jose Enrique do të jetë jashtë fushave për gjashtë javë.