INTER - SAMPDORIA
Përmbysje e Sampdorias, Interi mposhtet në shtëpi
3 April, 2017 @22:39
Me befasi është mbyllur ndeshja e fundit e xhiros në Serie A.
Përkundër epërsisë në pjesën e parë, Interi i Piolit shkatërroi gjithçka në pjesën e dytë, duke pranuar 2 gola dhe duke pësuar humbje në shtëpi nga skuadra e Sampdorias. Fillimisht rezultatin e barazoi Schick në minutën e 50’, kurse fitorja erdhi nga goli i Quagliarellas, i cili shënoi nga penalltia e shkaktuar nga Brozovic.
Kjo humbje bën që Interi ta vazhdojë zvogëlimin e gjasave për një vend që dërgon në Champions, derisa Sampdoria ndodhet në vendin e nëntë.
