MEDIA
Albert Bunjaki, selektor i Kosovës/ BOROZANI/ Erdis Driza
Bunjaki i bindur, Kosova shkon në EURO 2020
3 April, 2017 @22:23
Selektori i Kosovës, Albert Bunjaki, në një intervistë të dhënë për faqen TheLastJourno ndër të tjera ka thënë se është i sigurtë se Kosova do të jetë pjesë e Kampionatit të ardhshëm Europian, EURO 2020.
“Ne kemi reprezentacionin më të ri, me mesatare prej 22-23 vjetësh. Objektivi ynë është që të gjejmë lojën dhe të jemi të koordinuar mirë. Synimi për kualifikimet e ardhshme është sigurimi i Kampionatit Europian dhe jam i bindur që do të arrijmë këtë,” ka thënë Bunjaki ndër të tjera aty.
Kosova është pranuar në vitin e kaluar në UEFA e FIFA. Vendi ynë, për herë të parë po merr pjesë në kualifikime për një garë madhore, Kampionatin Botëror Rusia 2018. Kualifikimet për EURO 2020 nisin në fund të verës së vitit 2018, pas Botërorit Rusia 2018.
