Përmbysje për fitore, Drita mposhtë Malishevën

Me përmbysje ka arritur ta fitojë takimin ndaj Malishevës sot skuadra e Dritës.

Gjilanasit kundërshtarin e sotëm e mposhtën me rezultatin përfundimtar 3-1 (Almir Ajzeraj 60’, Hamdi Namani 76’, Ardit Tahiri 90+7’ / Hasan Hyseni 48’).

Pjesa e parë e ndeshjes kaloi me luftë të fortë në mesfushë, por nuk prodhoi gola, e më pas më interesante ishte pjesa e dytë.

TABELA AKTUALE

Në minutën e 48’, i asistuar nga Yoan Marc Olivier, mitrovicasi Hasan Hyseni shënoi për 0-1 të Malishevës.

Skuadra nga Kosova Qendrore këtë epërsi e ruajti deri në minutën e 60’, kur Almir Ajzeraj realizoi për 1-1. E Drita nuk u ndal me kaq.

Gjilanasit arritën t’i gjenin edhe golat e fitores në pjesën e mbetur të ndeshjes. Rreth 15 minuta më vonë, për 2-1 Hamdi Namani shënoi pas asistimit nga Almir Kryeziu, e krejt në fund për 3-1 shënoi Ardit Tahiri (90+7’) dhe ndeshja u mbyll me këtë rezultat.

Fitorja e sotme bën që Drita t’i afrohet pak Ballkanit, me këtë të fundit që lëshoi pikë ndaj Ulpianës sot, kurse Malisheva për momentin është e gjashta në renditjen e Superligës.