FA CUP
Përsëri Bruno, United eliminon Liverpoolin!
24 January, 2021 @19:58
Për dallim nga ndeshja e ligës sot-një-javë. United dhe Liverpooli sot dhuruan një ndeshje mjaft të mirë për futbolldashësit, e në fund triumfit iu gëzua skuadra e Ole Gunnar Solskjaer, që arriti ta eliminojë Liverpoolin nga 1/16 e FA Cup.
Ndeshja mes skuadrave në fjalë në fund u mbyll 3-2 për vendasit.
Salah ishte golashënues i dyfishtë për Liverpoolin sot, ndërsa për United shënuan Greenwood, Rashford e Bruno Fernandes.
Ky i fundit u inkuadrua nga banka rezervë dhe shënoi nga gjuajtja e lirë, për të qenë edhe një herë vendimtar në fitoren e United.
Kjo është hera e parë që Ole Gunnar Solskjaer fiton ndaj Liverpoolit si trajner i Manchester United.
Në 1/8 e finales, United do të përballet me West Hamin, kurse Liverpooli tashmë e sheh veten jashtë dy kupave vendore.
