Përsëri në finale, përsëri ndaj Argjentinës

Vetëm 10 minuta lojë i janë dashur kilianëve për të sigurar finalen e dytë me radhë në Copa America. Ata kanë shënuar fitore ndaj Kolumbisë sot në mëngjes 2-0 për të vazhduar suksesshëm rrugëtimin për mbrojtjen e trofeut të më të mirit në Kontinentin e Amerikës.

Charles Aranguiz dhe Jose Pedro Fuenzalida kanë shënuar golat e shpejtë për kilianët, ndërsa kolumbianët nuk arritën të rikthehen përkundër tentimit.

Puna e Kolumbisë u vështirësua edhe më shumë në fillim të pjesës së dytë, kur Carlos Sanchez morri të verdhën e dytë dhe u desht t’i lë shokët me një lojtar më pak në fushë.

Kili vitin e kaluar e fitoi për herë të parë në histori Copa American, kur mposhti në finale Argjentinën pas penalltive. Tash përsëri i ka ata përballë.

Finalja zhvillohet në mëngjesin e hershëm të së hënës me kohën tonë, 27 qershor në ora 2.