Përsëri nuk ftohet

​Tashmë ka kaluar një kohë e gjatë që nga hera e fundit kur Adnan Januzaj është ftuar për herë të fundit nga Kombëtarja Belge e drejtuar nga Marc Wilmots. Forma jo e mirë dhe paraqitjet tejet të rralla tek Manchester United kanë bërë që emri i Adnanit të mos figurojë as në listën për miqësoren të cilën kombëtarja belge e zhvillon këtë muaj ndaj Portugalisë.

Lista e plotë u konfirmua nga faqja zyrtare e Përfaqësueses së Belgjikës sot dhe emri i Adnan Januzajt nuk ishte aty. Kjo jep sinjale të qarta që Adnani shumë lehtë mund të mos ftohet as në Euro2016.