Po rrin apo po shkon?!

Mediat italiane kanë shkruar sot se Roberto Mancini nuk e ka të ardhmen e sigurt te Interi, pas rezultateve jo të mira në vitin 2016. 

Nga janar i këtij viti Inter ka regjistruar 3 fitore, 3 barazime dhe 4 humbje në përballjet e Serie A-së, që ka bërë ekipin të bie në vend të pestë të tabelës dhe të jetë vetëm një pikë larg rivalit lokal dhe të përbetuar, Milan. 

Tuttosport shkruan se Erick Thohir nuk mund t’i ofrojë më shumë Mancinit dhe se rezultatet e tij janë të njejta me të Walter Mazzarrit, që kishte harxhuar më pak. 

Ndërkaq, krejt tjetër thotë Corriere dello Sport, që ka thënë se me disa ndërrime Mancini do të vazhdojë me Interin edhe stinorin tjetër. 

Kurse kjo e fundit ka shtuar se neroazzurrët nuk do të mbajnë në ekip huazimet si Stevan Jovetic, Alex Telles dhe Adem Ljajic dhe do të kërkohet një mbrojtës, ku Karim Bellarabi i Bayer Leverkusenit pritet të jetë prioritet.