Portugalia kërkon gjithmonë fitore - prezantohet Roberto Martinez!

Thuajse në të njëjtën kohë, derisa Shqipëria prezantonte Sylvinhon si përzgjedhës të ri të kombëtares, në shtetin më Perëndimor të Evropës, Portugalia prezantonte gjithashtu përzgjedhësin e ri.

Fernando Santos i dorëehequr pas eliminimit të Portugalisë nga “Katari 2022” po zëvendësohej nga Roberto Martinez, gjithashtu i dorëhequr nga Belgjika, pas eliminimit në fazën grupore të “Katarit 2022”.

Spanjolli 49-vjeç u prezantua sot në Cidade do Futebol, ndërsa vjen te Portgualia pas përvojave me Belgjikën, Evertonin, Wiganin dhe Swansea Cityn.

Kujtojmë ish-përzgjedhësi Fernando Santos kishte marrë drejtimin e Portugalisë, pas humbjes së Portugalisë nga Shqipëria, kur kishte nisur rrugëtimi për EURO 2016. E pas 8 vitesh të kaluara aty Fernando Santos i solli Portugalisë triumfin në EURO 2016 e më pas edhe në trofeun e Ligës së Kombeve - të parën në finalen e parë të garës së re për kombëtare të UEFA-së.

E përzgjedhësi i ri ka thënë se është i lumtur që ka arritur marrëveshje dhe që do të ketë mundësinë të punojë me lojtarët ndër më të talentuar në botë.

“E di se ka shumë pritje të mëdha nga ekipi, gjithashtu e kuptoj dhe po e shoh se ekziston një numër i madh i njerëzve që janë të gatshëm për të ndihmuar,” ka thënë fillimisht Roberto Martinez.

“Më me rëndësi është që jemi ekip i fortë sfidues. Portugalia gjithmonë dëshiron të fitojë. A do të luajmë me tri apo katër mbrojtës do të varet nga lojtarët. E detyra ime do të jetë për të nxjerrë më së shumti nga secili lojtar. Fleksibiliteti taktik është gjëja më e rëndësishme këtu. Kjo gjithashtu do të varet nga lojtarët. Ne duhet të kontrllojmë secilën ndeshje,” ka thënë ndër të tjera spanjolli.