Prej Chelseat në Wolfsburg

Mesfushori 22 vjeçar i Chelseat, të cilit iu dha rasti i dytë për tu treguar te të kaltërit e Londrës - nuk ka kaluar pragun e kërkuar dhe është shitur te Wolfsburgu. 

Kevin De Bruyne përkundër insistimit të Jose Mourinhos nuk ka arritur t’ia sigurojë vetes një vend në 18-shen më të mirë të ekipit dhe është vlerësuar si i tepërt nga klubi. 

Për këtë, Wolfsburg ka shfaqur interesim të menjëhershëm dhe ka bërë të ditur se ka nënshkruar kontratë 5 vjeçare me belgun e ri. 

“Belgu i është bashkuar radhëve të Wolfsburgut. Ai ka pasur pesë paraqitje në 11-she të parë dhe 4 paraqitje si zëvendësues të Chelsea këtë stinor,” ka shkruar faqja zyrtare e të kaltërve që këtë fundjavë luajnë derbin e madh ndaj Manchester Unitedit. 

De Bruyne ka shënuar 10 gola në 34 paraqitje për Werder Bremenin stinorin e kaluar para se të vinte te Chelsea. Ai ka reputacion të fortë si futbollist në Bundesligë.