2019/20
PremierLiga s’vazhdon, nëse skuadrat s’pajtohen për terrenet neutrale
6 May, 2020 @14:33
Lajmi i fundit lidhur me peripecitë për vazhdimin e stinorit 2019/20 në Premier Ligë vjen nga shefi ekzekutiv i Shoqatës së Menaxherëve të Ligës, Richard Bevan.
“Nëse klubet nuk pajtohen të luajnë në terrene neutrale si u tha në fillim, stinori 2019/20 në Premier Ligë do të merr fund tash, pa vazhduar fare,” transmeton BBC Sport fjalët e Bevanit.
Të gjitha klubet kanë shprehur dëshirën të kryejnë stinorin, ku kanë mbetur edhe 92 ndeshje në total. Por, Brighton ka cekur ditë më parë se zhvillimi i ndeshjeve në terrene neutrale mund të ndikojë në integritetin e ligës dhe kjo nuk është fare në favor të ekipeve të rrezikuara për rënie nga elita.
Për tu pranuar si vendim i plotë përdorimi i terreneve neutrale, duhet që të ketë 14 vota PËR nga 20 klube pjesëmarrëse në PremierLigës.
I pyetur në BBC Radio 4 se vota kundër a do të thoshte anulim i stinorit 2019/20, Bevan ka qenë i qartë:
“Po, besoj që kjo është e saktë.”