PËRCAKTOHEN REFERËT DHE ORARI

BOROZANI/Erdis Driza

Prishtina-Besa, derbi i xhiros

30 October, 2014 @15:53

Federata e Futbollit të Kosovës ka bërë të ditur referët dhe orarin për xhiron e radhës në Superligë.

Kështu, java e XIII e futbollit elit të vendit nis nesër në ora 13:00, kur lideri Ferronikeli pret Istogun në Bajram Aliu të Skenderajt.

Kjo do të jete edhe ndeshja e vetme që luhet nesër, derisa pritet të transmetohet drejtpërdrejtë nga Supersport Kosova.

Të shtunën është derbi i vjetër i ekipeve me traditë. Në stadiumin e qytetit të Prishtinës, Prishtina e Bylbyl Sokolit pret Besën e Arbnor Morinës, ndeshje kjo që pritet të zgjojë interesim të madh edhe te shikuesit, derisa organizatorët presin që stadiumi të mbushet.

Kampioni aktual, Llamkos Kosova do t’ia nis misionit pa Ismet Munishin që dha dorëheqje pas disfatës së fundit, pasi që tashmë 9 muaj asnjëri nga futbollistët e ekipit kampion nuk ka marrë paga.

REZULTATET E DERITASHME DHE TABELA AKTUALE

Orari dhe gjyqtarët e xhiros XIII:

E premte 13:00	Ferronikeli-Istogu	Gjyqtarët: Ilir Shulueta, Lumturie Muhadri, Gëzim Mehmeti, Besfort Kosumi;
E shtunë, 13:00	Ferizaji-Trepça'89	Gjyqtarët: Hajriz Hajdari, Driton Preniqi, Mirsad Qehaja, Bajram Gashi;
E shtunë, 13:00	Prishtina-Besa	Gjyqtarët: Tefik Maloku, Besnik Morina, Kujtim Bajrami, Mentor Baliu;
E diel, 13:00	LlamkosKosova-Hajvalia	Gjyqtarët: Idriz Kelmendi, Safet Berisha, Meriton Berisha, Isak Ceroviku;
E diel 13:00	Trepça-Drenica	Gjyqtarët: Genc Nuza, Artan Latifi, Bekim Rama, Mervan Bejtullahu;
E diel, 13:00	Vëllaznimi-Drita	Gjyqtarët: Nazmi Rraci, Bujar Selimaj, Visar Kelmendi, Liridon Hasani;