TABELA E SUPERLIGËS, SI NUK E KENI PARË
BOROZANI/Erdis Driza/Arkiv
Prishtina, e fundit!
21 November, 2015 @15:11
Kampioni i shumëfishtë i Kosovës në futboll dhe ekipi që ka ndjellë frikë në tërë Superligën një kohë të gjatë - sot është në vend të fundit të klasifikimit për herë të parë.
Prishtina në fakt luan nesër ndeshjen e xhiros ndaj Vushtrrisë në “Ferki Aliu” dhe po qe se nuk merr asnjë pikë nga ky takim - do të mbetet për një xhiro të tërë në fund të tabelës.
A do të jetë Prishtina në fund të tabelës për vetëm 24 orë apo një xhiro e më shumë, mbetet të shihet nesër në përballjen që zhvillohet në Vushtrri.
Istogu, me fitoren e katërt të stinorit sot ndaj Drenicës, ka barazuar pikët me Prishtinën dhe për shkak të një goli më shumë të shënuar, ka dalë mbi ta në klasifikim.
