Prishtina, Feronikeli, Trepça’89 dhe Liria në disciplinore

Katër skuadra të Superligës i janë nënshtruar procedurës disciplinore nga FFK-ja, ka bërë të ditur sot faqja zyrtare e Federatës në fjalë.

Prishtina, Feronikeli, Trepça’89 dhe Liria - janë skuadrat që presin Vendimin e Komisionit të Garave (KG) lidhur me incidentet e mëposhtme.

Sipas FFK-së:

Prishtina - motivi: organizim i dobët i ndeshjes ku pati rrahje ndërmjet shikuesve vendas me disa anëtarë të kryesisë së Trepçës, ku ka pasur edhe persona të lënduar.

Feronikeli - motivi: lëshim në organizim të ndeshjes, ku disa shikues kanë hedhur gjësende në fushë, shishe PVC, dhe kanë fyer gjyqtarin kryesor në kor në ndeshjen Feronikeli-Drita.

Trepça’89 - motivi: lëshim në organizim të ndeshjes, ku një person me emrin Ilir tentoi të sulmojë lojtarin mysafir me Nr. 18. Milan Ristovski (KF Ferizaj).

Liria - motivi: lëshim në organizim të ndeshjes, ku nga minuta e 60 deri në fund të ndeshjes pati fyerje-sharje-ofendime nga shikuesit në drejtim të personave zyrtarë dhe në veçanti delegatit të ndeshjes.