Prishtina me trajner të huaj?

Skuadra më e trofeshme në Kosovë, Prishtina, në stinorin e ri pritet të drejtohet nga një trajner i huaj.

Pas përforcimeve të shumta me lojtarë të njohur, drejtuesit e klubit bardhekaltër kanë filluar të kërkojnë nga jashtë timonierin e ri të skuadrës.

Sipas gazetës Zëri, gazetë kjo e njohur me afërsinë me klubin prishtinas, brenda javës pritet të arrijë në kryeqytet trajneri i ri, i cili do të vie nga Zvicra, derisa emri i tij ende mbetet i fshehtë.

Prishtina gjatë stinorit të fundit i ka ndërruar tre trajnerë, duke filluar me Ramiz Krasniqin, pastaj Sami Sermaxhajn dhe në fund Fadil Berishën.