Pse hynë me vonesë tifozët e Bayernit?

Qindra tifozë të Bayern Munchenit janë vonuar sonte simbolikisht, për 5 minuta, pasi që nisi ndeshja Arsenal-Bayern e Ligës së Kampionëve. 

Arsyeja e vonesës së tyre ishte protesta ndaj çmimeve të larta të biletave për ‘ta në Emirates, që kushtonin afro 90 euro për copë. 

“64 funta për biletë - por ta dini - se pa tifozë - futbolli nuk vlen asnjë cent,” kanë shkruar në pankarta tifozët e ekipit bavarez të pranishëm në stadium duke protestuar. 

Kur u futën në stadium, pas minutës së pestë të takimit, tifozët e Bayernit janë duartrokitur nga i gjithë publiku vendas.

Sa për krahasim, bileta vjetore e Bayernit për këtë stinor ka kushtuar rreth 142 euro.