PSG prezenton Beckhamin

David Beckham edhe zyrtarisht është përforcimi i skuadrës milionere, Paris Saint Germain.

Futbollisti 37 vjeçar sot ka qenë në Paris për t’i kryer testet mjekësore dhe më pas është prezentuar në konferencën e shtypit nga presidenti i klubit, sheiku Nasser al-Khelaifi dhe menaxheri i klubit, Leonardo.

Presidenti Nasser al-Khelaifi, në fjalimin e tij, ka konfirmuar se Beckham ka nënshkruar kontratë gjashtë mujore, duke shtuar se ai ka refuzuar shumë oferta nga skuadra të ndryshme, vetëm për të qenë në Paris.

Ndërsa në pyetjen nga gazetarët për ndonjë ofertë nga klubet e Premier Leagues, Beckham tha se nuk ka dashur të luaj në Angli, për shkak të respektit ndaj ish skuadrës së tij, Manchester United.

“Jam shumë me fat. I kam 37 vjet dhe tani kam marrë më shumë oferta se gjatë gjithë karrierës sime,” ka thënë Beckham, duke shtuar se pagën e tij të fituar në Paris do ta dhurojë shoqatave bamirëse për fëmijë.