RAHOVECI 3-1 A&N
Rahoveci duke festuar golin sot/ KFRahoveci/fb
Rahoveci fiton pas shtatë xhirosh dhe ngritet në renditje
20 November, 2021 @15:28
Rahoveci ka arritur një fitore tejet të rëndësishme sot në kuadër të Ligës së Parë Grupi B, pasi që ka mposhtur skuadrën prizrenase A&N për të mbetur në garë për mbijetesë aty.
Futbollistët e Rahovecit kanë shënuar fitore ndaj A&N sot me rezultat 3-1 [Astrit Berisha, Agron Beqiri, Enis Stublla - ]. Me këtë fitore Rahoveci ka dalë nga pozita e parafundit e renditjes për të kaluar në pozitë të tetë, pasi që Istogu barazoi në shtëpi sot.
Në anën tjetër A&N bëhet skuadra e dytë nga Prizreni që bie në Rahovec këtë stinor pas Lirisë. Përndryshe, A&N që po mëton pjesën e epërme të renditjes dhe mundësinë për Superligë tashmë ka pësuar humbjen e dytë të stinorit dhe gjendet në pozitën e gjashtë.
