ZEKIRIJA RAMADANI
Ramadani: Varemi nga grupi, jo nga individët
7 March, 2017 @15:42
Trajneri i Trepçës’89, Zekirija Ramadani, është dukur i lumtur pas fitores së madhe të ekipit të tij ndaj Prishtinës sot. Ai i ka uruar lojtarët pas ndeshjes, ndërsa ka thënë se ekipi është duke punuar si grup.
“Uroj lojtarët e mi për fitore. Është diçka e madhe të fitosh Prishtinën. Ne arritëm të krijojmë raste shumë, por një gol doli të jetë i mjaftueshëm për 3 pikë. Ekipi ynë nuk varet nga asnjë individ, por nga grupi i lojtarëve. Me meritë i morrëm 3 pikë,” ka thënë Ramadani për mikrofonin e Supersport pas ndeshjes.
Trepça’89 tash ka 48 pikë dhe ka ngritur epërsinë ndaj Prishtinës në 9 pikë, ndërsa nesër edhe njëri nga përcjellësit do të mbetet larg tyre. Mbetet të shihet, 6 apo 8 pikë.
