Sarri ia gjuan topin Real Madridit

Para duelit të kthimit, ku Napoli do të kërkojë që të zhbëjë epërsinë 3-1 të madrilenëve nga ndeshja e parë, trajneri Maurizio Sarri, ka thënë se presioni është te Real Madridi.

“Presioni është te ata. Ata e kanë patjetër të kualifikohen,” ka thënë ndër të tjera Sarri në konferencën për shtyp para ndeshjes.

Napoli ka qenë në epërsi në ndeshjen e kaluar, por më pas pësoi 3-1 në Santiago Bernabeu.

“Ndeshjet e Ligës së Kampionëve janë gjithmonë të vështira. Luajmë ndaj një ekipi që nuk pëson shpesh në shtëpi. Kam qenë këtu si lojtar, asnjëherë nuk është lehtë në Napoli,” ka thënë trajeri i Real Madridit, Zinedine Zidane para ndeshjes.

PIKAT KRYESORE:

-Napoli nëse kualifikohet do të arrijë për herë të parë në histori të klubit çerekfinalen e Ligës së Kampionëve.

-Real Madrid në 6 herat e fundit nuk ka dështuar në të tetën e finales.

-Shorti i çerekfinales, më 17 mars 2017.

FORMACIONET E MUNDSHME:

Napoli: Reina; Hysaj, Koulibaly, Albiol, Ghoulam; Zieliński, Diawara, Hamšík; Callejón, Mertens, Insigne.

Real Madrid: Navas; Carvajal, Pepe, Ramos, Marcelo; Kroos, Casemiro, Modrić; Bale, Benzema, Ronaldo.