VITESSE SONTE NDAJ DEN HAAG
Milot Rashica, gjatë një stërvitjeje me ekipin e tij/ Foto: Vitesse Official
Rashica sonte në akcion ndaj Den Haag
3 February, 2017 @12:07
Mesfushori i përfaqësueses së Kosovës, Milot Rashica, sonte pritet të jetë në formacionin startues të ekipit të tij, Vitesse, që është mysafir i ekipit Ado Den Haag në duelin e parë të xhiros së XXI të Eredivisies.
Rashica këtë stinor ka shënuar vetëm një gol për ekipin e tij, por është në krye të listës së asistuesve në elitën e futbollit holandez me 6 asistime të regjistruara.
Vitesse aktualisht është e shtata me 30 pikë nga 20 ndeshje, ndërsa Den Haag i pesëmbëdhjeti me 17 pikë nga po aq ndeshje. Në 5 ndeshjet e fundit Vitesse ka pësuar vetëm njëherë dhe atë nga lideri Feyenoord, ndërsa Den Haag ka shënuar 4 disfata në 5 ndeshjet e fundit.
