Befasohet Gana, Kameruni në finale

Pas Egjiptit, skuadra e dytë finaliste e Kupës së Afrikës është Kameruni.

Kameruni arriti që në gjysmëfinale ta eliminojë përfaqësuesen e Ganës, në një takim i cili ishte mjaft i fortë dhe i barabartë, e në fund u mbyll me fitoren e Kamerunit, përkundër faktit që favorite për të kaluar në finale ishte Gana. Golat e fitores për kamerunasit u shënuan në 20 minutat e fundit të takimit.

Finalja mes Egjiptit dhe Kamerunit luhet më datën 5 shkurt, derisa kjo do të jetë hera e tretë që këto dy përfaqësuese ndeshen në finalen e Kupës së Afrikës. Në dy përballjet e mëparshme, 1986 dhe 2008, kishte triumfuar Egjipti.

Në anën tjetër, në takimin për medaljen e bronztë Gana do të ballafaqohet me Burkina Fason.