Reagon Wenger

​”Është një rezultat që krijon frustrim tek skuadra. Performanca ishte shumë e mirë, krijuam 10 raste për gol dhe nuk shënuam. Kjo të shkakton frustrim.” - u shpreh Arsene Wenger në konferencën për shtyp pas ndeshjes me Southamptonin, e cila përfundoi pa gola.

Ky barazim bën që Arsenali të humbë hapin me Leicesterin e Manchester Cityn.

“Ne e filluam ndeshjen me ritëm të ulët, mirëpo në pjesën e parë Ozil pati dy mundësi shumë të mira. Portieri i tyre pati një mbrëmje fantastike, mirëpo edhe neve na mungoi kualiteti para portës. Kur synon titullin, normalisht që ky rezultat është shqetësues. Duhet të reagojmë sa më parë.” - shtoi francezi.

Arsenal ka barazuar ndaj Southamptonit 0-0 në Emirates sonte, ndërsa ka mbetur 5 pikë pas Leicesterit lider, kurse për të bërë edhe më frustruese situatën, rivali i ashpër i Londrës, Tottenham ka dalë mbi ata në tabelë edhe pse me pikë të njejta.