Real pret yjet, Sevilla s’ka frikë

Sevilla, si fituese e Europa League, nesër do të takohet me Real Madridin, si fituese e Ligës së Kampionëve, në ndeshjen e vlefshme për Superkupën europiane të futbollit. 

Sevilla pa frikë

Stadiumi në Cardiff të Uellsit pritet të jetë plotë me spanjollë, derisa kreu i Sevillës, beson se në futboll mund të ndodh gjithçka dhe nuk i frikësohet madrilenëve. 

“Ne nuk frikësohemi nga asgjë. Ne jemi Sevilla. Ne kemi treguar se jemi të mirë në finale. Një finale të tillë e kemi fituar edhe në vitin 2006 kur kundërshtar e kemi pasur Barcelonën, prandaj ndeshja do të jetë e vështirë, por jo edhe e pamundshme për tu fituar,” ka thënë Jose Castro, transmeton Marca sot.

Real pret yjet 

Në anën tjetër, Real Madrid, që kësaj radhe ka mbushur edhe më ekipin me yje të futbollit botëror, mezi pret ndeshjen, ku pritet të debutojnë dy yjet e reja të ekipit. 

“James Rodriguez dhe Toni Kroos janë të gatshëm për të regjistruar debutimin e tyre me Real Madridin në finale të Superkupës europiane,” ka njoftuar BBC Sport pak më parë, duke bërë të ditur se spektakli futbollistik pritet të zgjojë interesimin e shumë tifozëve nga mbarë bota dhe jo vetëm të të dyja skuadrave. 

E kaluara

Superkupa e edicionit të kaluar të Europës i takoi Bayern Munchenit që në finale mposhti Chelsean pas penalltive. Ndeshja kishte përfunduar 1-1 në kohë të rregullt, derisa pas vazhdimeve ishte bërë 2-2. Në fund, pasi që Xherdan Shaqiri kishte shënuar për Bayernin, Romelu Lukaku kishte dështuar të shënojë për londinezët dhe trofeu shkoi në Gjermani.

Koefiecientet e bastoreve: