Refuzon Liverpoolin për superligën kineze

​Pas Ramiresit dhe sulmuesit Jackson Martinez, emri i tretë i njohur i futbollit evropian që është larguar për në superligën kineze është Alex Teixeira. Braziliani i Shakhtar Donetskut është joshur nga paratë e aziatikëve dhe ka refuzuar skuadrën e Liverpoolit për të kaluar në futbollin aziatik.

26-vjeçari, i cili flitej se ishte shumë pranë marrëveshjes me Liverpoolin, ka ndërruar destinacion dhe tashmë skuadra e tij e re pritet të jetë Jiangsu Suning. Shuma e transferimit është 38 milionë funte, shumë e cila nuk u ofrua nga Liverpooli, kurse rroga e tij raportohet të jetë 185 mijë funte në javë.