Rekorderët belg

Vetëm Spanja, që është e para në botë, ka mbetur në pozitën e saj në TOP 10-she të renditjes botërore pa lëvizuar nga vendi. 

Të gjitha përfaqësueset tjera kanë pasur rënie-ngritje varësisht nga rezultatet e marra në ndeshjet e zhvilluara, e që në total kanë qenë 185 në tërë globin. 

Kështu, duhet cekur rënien e Gjermanisë në pozitën e tretë, derisa vendin e dytë në renditje ka arritur Argjentina, që së fundi shkeli Paraguajin në kualifikime 2-5 si mysafir. 

E katërta në renditje ka arritur të bëhet përfaqësuesja azzure, që së fundi arriti të nxjerrë biletën për Brazil. Deris e pesta është Kolumbia, që ka pësuar rënie për dy vende. 

Belgjika që nuk ka pësuar asnjë humbje në kampanjën për Brazil, ka arritur rekord renditjen në FIFA, duke u pozicionuar e gjashta me 1159 pikë. 

Portugalia është kombëtarja e vetme që ka rënë nga TOP 10, që tash gjindet në pozitën e 11-të me 1029 pikë. 

Në TOP 10 të renditjes së FIFA-së gjinden aktualisht katër vende jugamerikane, ku bashkë me Argjentinën (2) dhe Kolumbinë (5), bëjnë pjesë edhe Uruguaji (7) dhe Brazili (8). 

Shqipëria, ka rënë për shtatë vende dhe aktualisht gjindet në pozitën e 45-të në botë. 

Renditja e FIFA-së, Shtator

Renditja e FIFA-së, Shtator - TOP 10