Rikthim i Sheffieldit, Chelsea lëshon pikë

Prej 2-0 në 2-2!

Skuadra e Chelseat sot shpërdori një epërsi dy-golëshe ndaj Sheffieldit në shtëpi, për t’u detyruar më pas të kënaqet me një barazim në shtëpi.

Tammy Abraham shënoi dy herë në pjesën e parë për Chelsean, ndërsa mysafirët fillimisht e ngushtuan epërsinë përmes Robinsonit në fillim të pjesës së dytë, e më pas përmes autogolit të Zoumas pak para fundit të ndeshjes e barazuan rezultatin dhe arritën të largohen me pikë nga Londra.

Pas 4 xhirove, edhe Chelsea edhe Sheffield United kanë nga 5 pikë të tubuara.