BERLIN
Robben, për fitore minimale
29 November, 2014 @17:37
Një gol i vetëm i shënuar nga Arjen Robben në kryeqytetin gjerman sot ka qenë i mjaftueshëm që Bayern të vazhdojë formën e mirë në Bundesligë.
Ekipi i Pep Guardiolës ka zotëruar topin gjatë gjithë ndeshjes dhe vendasit e kanë pasur vështirë që të shënojnë, duke mos pasur topin në këmbë, derisa bavarezët tentuan edhe disa herë.
Fitorja e dhjetë e Bayernit në Bundesligë sot, ia ka regjistruar humbjen e shtatë Herthas së Berlinit, prej të cilave 3 në 5 ndeshjet e fundit.
Xherdan Shaqiri nuk është inkuadruar fare në lojë, duke qëndruar gjatë gjithë kohës në bankën rezervë.
