Roma zyrtarizon Renato Sanchesin

Ekipi i Romës ka zyrtarizuar sot mesfushorin portugez Renato Sanches. Portugezi është anëtar i ri i ekipit që drejtohet nga Jose Mourinho, ndërsa mediat kanë bërë të ditur se ai është huazuar prej Paris St Germain për një stinor me obligim blerjeje në stinorin tjetër, nëse piqen “disa” kushte.

Sanches i është bashkuar Leandro Paredesit në kryeqytetin italian, ku ky i fundit iu bashkua ekipit pak para tij, disa orë më parë.

WELCOME | Renato Sanches

The club is delighted to confirm the signing of the highly-rated midfielder!

The worldwide search for missing children continues in the meantime. 
#ASRoma | @ICMEC_official pic.twitter.com/6GKQOyy9Oi

— AS Roma English (@ASRomaEN) August 16, 2023

“Klubi është i lumtur që ka arritur marrëveshje me mesfushorin e vlerësuar Renato Sanches,” ka shkruar njoftimi i Romës në Twitter, derisa 26-vjeçari pritet të jetë shtesë e rëndësishme në skuadrën e Mourinhos, që në stinorin e kaluar arriti finalen e Ligës së Europës.

Përndryshe Sanches, pos Romës e Parisit ka luajtur edhe për Lille, Bayern, Swansea dhe Benfica, prej ku doli si talent.