Rooney tregon vitin e pensionimit

Në grumbullimin e parë me trajnerin e ri Sam Allardyce, përveç që u konfirmua që do të mbetet kapiten i Kombëtares, Wayne Rooney gjithashtu foli edhe për pensionimin nga Kombëtarja Angleze:

“Kam filluar të luaj që nga mosha 16 vjeçare, ndërsa me kombëtaren jam paraqitur si 17 vjeçar. 15 vite është kohë e gjatë dhe do të pensionohem pas kampionatit botëror “Rusi 2018”. I kam edhe dy vite të mbetura dhe do ta jap maksimumin, ashtu siç kam bërë gjithmonë.” - u shpreh golashënuesi më i mirë në histori të Anglisë, i cili ka 53 gola në 115 paraqitje për Kombëtaren Angleze.

Përveç kryesimit me gola, nëse Rooney luan të dielën në eliminatoren ndaj Sllovakisë, ai do ta kalojë David Beckhamin me numrin e paraqitjeve për Anglinë.