MEDIA
Roshi “bomba” e Skënderbeut
24 June, 2016 @10:33
Mediat në Shqipëri, sot kanë dalur me lajmin e një transferi të mundshëm të Odise Roshit drejt kampionit shqiptar, Skënderbeut.
Futbollisti i kombëtares shqiptare mund të jetë “bomba” e korçarëve, mirëpo për realizimin e këtij transferi së pari thuhet se pritet vendimi përfundimtar i Gjykatës së Arbitrazhit Sportiv (CAS) për pjesëmarrjen e Skënderbeut në kualifikimet për Ligën e Kampionëve.
Kërkesa për Roshin duket serioze duke pasur parasysh paralajmërimin për largimin e Liridon Latifit, si dhe largimin e fundit të Gerhard Prognit.
Por një tjetër problem është se 25 vjeçari ka kontratë edhe 2 vjet me skuadrën kroate ku aktualisht luan, Rijeka.
Roshi me Rijekën në stinorin e fundit ka pasur hapësirë jo të kënaqshme për lojë.
